Baspasóz hatshysynyń mindetterin belgilep beretin qaýly talqyǵa shyqty

ASTANA. KAZINFORM — Mádenıet jáne aqparat mınıstriniń BAQ-pen ózara is-qımyl jasaý jónindegi ýákiletti tulǵa týraly buıryq jobasy Ashyq NQA saıtyna jarııalandy.

Qujat baspasóz hatshysynyń maqsatyn, fýnktsııalary, quqyqtary men mindetterin aıqyndaıdy.

Jańa normaǵa sáıkes baspasóz hatshysy myna mindetterdi oryndaıdy:

— paıdalanýshylarǵa memlekettik organnyń quzyretine, sondaı-aq onyń qyzmetine jatatyn máseleler boıynsha anyq jáne qajetti aqparat berý;

— buqaralyq aqparat quraldarynda suhbattar, túsindirmeler, jarııalanymdar ázirleýge járdemdesý;

— jýrnalısterdi jáne buqaralyq aqparat quraldarynyń basqa da ókilderin ýaqytsha nemese turaqty akkredıtteý, sondaı-aq olarǵa memlekettik organnyń quzyretine, onyń qyzmetine jatatyn máseleler boıynsha aqparatty neǵurlym tolyq jáne keńinen taratý úshin járdemdesý;

— laýazymdy adamdardyń buqaralyq aqparat quraldarynyń ókilderimen baspasóz konferentsııalaryn, brıfıngterin, suhbattary men kezdesýlerin uıymdastyrý;

— ınternet-resýrstyń qyzmetin tehnıkalyq qamtamasyz etý, ony keshendi rekonstrýktsııalaý, dızaınyn jetildirý, jańǵyrtý jáne jańa tehnologııalardy engizý máseleleri boıynsha usynystardy ázirleý jáne engizý;

— aqparattardy paıdalanýshylardan kelip túsetin saýaldarǵa ýaqtyly jaýaptar daıyndaý;

— memlekettik organnyń jáne (nemese) onyń birinshi basshysynyń ınternet-resýrsynda aqparat ornalastyrý;

— taratylýyna Qazaqstan Respýblıkasynyń zańdarynda nemese zańdy kúshine engen sot aktilerinde tyıym salynǵan nemese ózge de túrde shekteý qoıylǵan aqparatty qospaǵanda, memlekettik organnyń quzyretine, sondaı-aq onyń qyzmetine jatatyn máseleler boıynsha aqparatty barynsha ashýǵa yqpal etetin ózge de fýnktsııalar. 

 

Janel Nurbolatqyzy