Baspananyń aýdanyna qaraı adamdy tirkeý tetigi engiziledi - QR ІІM
ASTANA. QazAqparat - Atalǵan normanyń arqasynda bir páterge ondaǵan, tipti júzdegen adamdy tirkeýge tyıym salynady, dep habarlaıdy QazAqparat tilshisi.
«Búginde Іshki istermınıstrligi tıptik erejelerdiń jobasyn ázirlep, Úkimettiń qaraýyna engizdi. Atalǵan erejelerge sáıkes, baspananyń aýdanyna qaraı adamdardy tirkeýge shekteý qoıylady. Tıptik erejelerdiń negizinde jergilikti máslıhattar óz erejelerin qabyldaıdy. Sonyń ishinde jergilikti jerdiń erekshelikteri men baspananyń aýdanyna qaraı tirkeý normalaryn kórsetýge bolady. Bul degenimiz, bir páterg eondaǵan, tipti júzdegen adamdy tirkeý bıznesine de tosqaýyl qoıylady», - dedi Astana qalalyq kóshi-qoni polıtsııasynyń basshysy Gúlvıra Dónenbaeva «Vechernıaıa Astana» gazetine bergen suhbatynda.
Aıta keteıik, ýaqytsha tirkeý týraly zań kúshine engeli beri Qazaqstanda 1 mıllıon 442 myń adam tirkeýge turdy. Olardyń ishinde 695 000 adam turaqty tirkeýge tursa, 746 myńy - ýaqytsha tirkeýge otyrǵandar. Astananyń ózinde 250 myń adam tirkeýge turdy.
«Negizi, baspananyń aýdanyna qaraı árbir adamdy tirkeýge qoıý tetikteri zańmen bekitilgennen keıin Astanada páterdi jasyryn jalǵa berý áreketteri azaıýy tıis. Degenmen, Prezıdenttiń tikeleı tapsyrmasy men jergilikti bıliktiń qolǵa alyp jatqan sharalaryna qaramastan, páterdi zańsyz jalǵa berý men tirkeýge qoıý bıznesi áli de báseńdeıtin emes », - deıdi Dónenbaeva.
