Baspanany jaldaý naryǵynda qandaı da bir ekstsess baıqalmaıdy – sarapshy pikiri

Baspana jaldaý naryǵy qyrkúıektegi maýsymdyq suranystan keıin tynyshtaldy. Mundaı pikirdi Qazaqstannyń Rıeltorlary birlesken qaýymdastyǵy prezıdentiniń keńesshisi Nına Lýkıanenko bildirdi, dep habarlaıdy Kazinform.

«Baspanany jaldaý naryǵy qyrkúıekte maýsymdyq suranysty bastan keshirip, qazirgi ýaqytta tynyshtaldy. Baspanany jaldaý naryǵynda eshqandaı ekstsess baıqalmaıdy. Jalǵa alý kelisimshartyn saýatty jasaǵandardyń bári kelisimshart sharttaryn oryndap otyr. Qazirgi ýaqytta bos turǵan, jaldaýshylaryn izdegen nysandardyń baǵasy usynystan birshama joǵary bolyp tur», - dedi Nına Lýkıanenko agenttik tilshisine bergen suhbatynda.

Degenmen, sarapshynyń aıtýynsha, baspanany jaldaý quny áli de bolsa joǵary.

«Jaldaý qunyn saýdalasý standartty. Al jaldaýshylardyń paıymynsha, jalǵa alý baǵasy joǵary bolyp tur. Eger qandaı da bir tosyn jaıt bolsa, onda kelesi jyly da barlyǵy ádettegi standart aıasynda damıtyn bolady», - dedi ol.