Baspanamen qamtamasyz etý baǵytynda kópbalaly otbasylarǵa 2 paıyzdyq jeńildikti nesıe beriledi

NUR-SULTAN. QazAqparat – Baspanamen qamtamasyz etý baǵytynda kópbalaly otbasylarǵa, tolyq emes otbasylarǵa jyldyq 2 paıyzben jeńildik nesıeler beriledi. Bul týraly búgin Úkimet otyrysynda QR Indýstrııa jáne ınfraqurylymdyq damý birinshi vıtse-mınıstri Qaıyrbek Óskenbaev aıtty, dep habarlaıdy QazAqparat tilshisi.

«Turǵyn úı qurylys jınaq banki bıyl 49 mlrd teńge esebinen kópbalaly otbasylarǵa, tolyq emes otbasylarǵa jáne múgedek balalary bar otbasylarǵa jyldyq 2 paıyzben jeńildikti qaryzdar berýdi jalǵastyrady», - dedi Qaıyrbek Óskenbaev.

Onyń sózine qaraǵanda, 5 myń azamat baspanasyn jaqsartady. Búgingi kúni Turǵyn úı qurylys jınaq banki 2019 jyldan bastap 49,3 mlrd teńge somasyna 4 955 nesıe bergen.