Baspanalaryn jezókshelerge jalǵa bergen 30 astanalyq jaýapqa tartyldy
NUR-SULTAN. QazAqparat – Elordada jyl basynan beri páterlerin ıntımdik qyzmetter kórsetý úshin jalǵa berip kelgen 30-dan astam adam jaýapkershilikke tartyldy, dep habarlaıdy QazAqparat.
Osy kúnderi qalada «Ýchaske» jedel-aldyn alý sharasy ótkizilýde. Polıtsııa departamentinen málim etkendeı, onyń barysynda ýchaskelik polıtsııa ınspektory Gete kóshesindegi úıdiń birinde óziniń baspanasyn jynystyq qyzmetter kórsetý úshin jalǵa berip kelgen áıel anyqtalǵan.
«Nur-Sultan qalasynyń Mamandyrylǵan aýdanaralyq ákimshilik sotynyń sheshimimen 31 jastaǵy azamatsha A. QR ÁQBtK-niń 450-shi babynyń 1-bóligine sáıkes (Kórineý jezókshelikpen aınalysýǵa nemese jeńgetaılyq úshin úı-jaılardy usyný) 100 AEK (252 500 teńge) kóleminde ákimshilik jaýapkershilikke tartyldy», - dedi vedomstvodan.
Departamenttiń aqparaty boıynsha, elordada jyl basynan beri atalmysh bap boıynsha 30-dan astam tulǵaǵa aıyppul salynǵan.