Baspanaǵa muqtajdardyń sany resmı kórsetkishten eki esege artyq - Parlamenttik tyńdaý
ASTANA. 7 jeltoqsan. QazAqparat - Búgingi kúni elimizde óziniń baspanaǵa qajettiligin resmı túrde kórsetken 200 myń adam kezekte tur.
Alaıda naqty kórsetkish budan eki esege artyq. Parlamentte «Halyqty turǵyn úımen qamtamasyz etýdiń jaı-kúıi men perspektıvalary» atty taqyrypta ótken parlamenttik tyńdaýda QR Premer-Mınıstriniń orynbasary Qyrymbek Kósherbaev osylaı málim etti.
«Birshama qarajat jınaı alǵan bizdiń turǵyndarymyz úshin páter satyp alý máselesi de, úı salý máselesi de, eń aqyry óziniń baspana problemasyn qalaı bolsa da sheshýi de óte kúrdeli kúıinde qalyp otyrǵanyn moıyndaýymyz kerek. Búgingi kúni baspanaǵa kezekte óziniń qajettiligin resmı joldaǵan 200 myń adam tur. Al tap-tar jaǵdaıda, tanys-týystarynyń úıinde, áıtpese jaldap turyp jatqandary qanshama? ıAǵnı, biz baspaǵana muqtajdardyń sany resmı málimetten áldeqaıda kóp, eń kemi 2 ese joǵary ekenin bilemiz», - dedi Q. Kósherbaev.
Onyń aıtýynsha, táýelsiz sarapshylardyń pikirinshe, Qazaqstanda turǵyn úı tapshylyǵy 28 mln. sharshy metrdi quraıdy. Bul shamamen 400 myń otbasy baspanaǵa muqtaj degen sóz.
