Baspanaǵa muqtaj jandarǵa qandaı memlekettik kómek kórsetiledi
ASTANA. KAZINFORM – Elimizde 654 myń adam baspana kezeginde tur. Bul týraly Ónerkásip jáne qurylys mınıstrligi Qurylys jáne turǵyn úı-kommýnaldyq sharýashylyq isteri komıtetiniń tóraǵasy Baqytjan Júnisbekov aıtty.
- Elimiz boıynsha turǵyn úı kezeginde barlyǵy 654 myńnan astam adam tur, - dedi ol Ortalyq kommýnıkatsııalar qyzmetindegi brıfıngte.
Osy oraıda komıtet basshysy kezekte turǵan muqtaj azamattarǵa kórsetiletin memlekettik qoldaý sharalaryna toqtaldy.
Birinshi - jalǵa usynylatyn turǵyn úıdi satyp alý quqyǵynsyz berý.
- Turǵyn úı-kommýnaldyq ınfraqurylymdy damytýdyń 2023-2029 jyldarǵa arnalǵan tujyrymdamasy ıasynda áleýmettik osal sanattaǵy kezekte turǵandarǵa satyp alý quqyǵynsyz turǵyn úı kezektilik tártibimen jalǵa beriledi. Bul rette, jalǵa beriletin turǵyn úıdiń jalpy kóleminiń keminde 20 paıyzy satyp alý quqyǵynsyz jetim balalar men kóp balaly otbasylarǵa beriledi. Ótken jyly atalǵan memlekettik qoldaý sharalary aıasynda kezekte turǵan 13 myńǵa jýyq adam turǵyn úımen qamtamasyz etildi. Bıyl 1-toqsanda 3 myńnan astam otbasy jalǵa beriletin páterge ıe boldy.
Ekinshi - jaldaý aqysyn sýbsıdııalaý
2022 jyldan bastap azamattardyń myna sanattaryna jeke sektordaǵy turǵyn úıdi jaldaý qunynyń 50 paıyzy sýbsıdııalanady:
- birinshi jáne ekinshi toptaǵy múgedektigi bar adamdar;
- múgedek balalary bar nemese olardy tárbıelep otyrǵan otbasylar;
- jetim jáne ata-anasynyń qamqorlyǵynsyz qalǵan balalar.
- kóp balaly analar, kóp balaly otbasylar.
- Búgingi tańda 11 myńnan astam otbasy turǵyn úıdi jalǵa alǵany úshin 50 paıyz tólem boıynsha memlekettik qoldaýǵa ıe, - dedi komıtet basshysy.
Úshinshi - Turǵyn úı sertıfıkattary. Ony ákimdikter ıpotekalyq turǵyn úı nesıeleri boıynsha bastapqy jarnanyń bir bóligin jabýǵa beredi.
- Ótken jyldyń qorytyndysynda 2,6 mlrd teńge somasyna 2,3 myńnan astam turǵyn úı sertıfıkaty, osy jyldyń 1-toqsanynda jalpy somasy 580 mln teńgege 522 sertıfıkat berildi, - dedi Baqytjan Júnisbekov.
Tórtinshi - jeńildikti kredıt berý. ıAǵnı, baspana kezeginde turǵandarǵa 2 jáne 5 paıyzdyq mólsherlememen jeńildikti zaımdar usynylady. Bul rette 2 paıyzdyq mólsherlememen zaımdy kezekte turǵan azamattardyń myna sanattary alady:
- birinshi jáne ekinshi toptaǵy múgedektigi bar adamdar;
- múgedek balalardy tárbıelep otyrǵan otbasylar;
- kóp balaly otbasylar;
- jetim balalar.
- 2024 jyldyń qorytyndysynda jyldyq mólsherlemesi 2 paıyz bolatyn 3 859 zaım berildi. Al tórt aıda turǵyn úı satyp alýǵa 952 zaım usynyldy. Sonymen qatar, ótken jyly 5 paıyzdyq mólsherlememen 5 145 zaım berildi. Jyl basynan beri 1 249 azamat jeńildikti zaım aldy. Atalǵan jeńildikti qaryzdar halyqqa «Otbasy banki» turǵyn úı qurylys banki arqyly usynylady, - dedi komıtet basshysy.
Osyǵan deıin bıyl 4 aıda 45,1 myń páter paıdalanýǵa berilgenin jazǵan edik.