Baspanada 50%-ǵa deıin úlesi bar azamattar memlekettik turǵyn úıdi jekeshelendire alady
ASTANA. KAZINFORM — Qazaqstanda memlekettik turǵyn úı qoryndaǵy baspanany jekeshelendirý qaǵıdalaryna ózgerister engizildi. Tıisti qaýlyny QR Úkimeti 2026 jylǵy 14 tamyzda qabyldady.
Ózgeristerge sáıkes, zańda basqa jaǵdaı qarastyrylmasa, Qazaqstan azamattary el aýmaǵynda memlekettik turǵyn úı qorynan bir ǵana baspanany jekeshelendirýge quqyly.
Bul rette buryn baspanany jekeshelendirý barlyq jaǵdaıda birdeı bas tartýǵa negiz bolmaıdy. Atap aıtqanda, 2024 jylǵy 4 jeltoqsanǵa deıin kýpondyq tetik arqyly nemese ózge tásilmen jekeshelendirilgen turǵyn úı memlekettik baspanany jekeshelendirýge kedergi keltirmeıdi.
Sonymen qatar, negizgi jaldaýshynyń otbasy múshesiniń buryn jekeshelendirilgen turǵyn úıde 50% nemese odan az úlesi bolsa, ol keıin memlekettik turǵyn úı qoryndaǵy baspanany jekeshelendirý quqyǵyn paıdalana alady.
Osylaısha, ózgerister buryn jekeshelendirilgen baspana nemese ondaǵy úles memlekettik turǵyn úıdi jekeshelendirýge kedergi keltirmeıtin jaǵdaılardy naqtylaıdy.
Qaýly 2026 jylǵy 28 tamyzdan bastap kúshine enedi.
Buǵan deıin Qazaqstanda baspana baǵasy qalaı ózgerip jatqanyn jazǵan edik.
