«Baspana» uıymy salynatyn 15 myń páter týraly túsindirdi
ASTANA. QazAqparat - Parlament Senatynyń depýtattarymen ótken kezdesýde «Baspana» ıpotekalyq uıymy» AQ basqarma tóraǵasy Qaırat Altynbekov «7-20-25» baǵdarlamasy aıasynda salynatyn 15 myń páter týraly aıtyp berdi, dep habarlaıdy QazAqparat.
Atap aıtqanda, barlyq óńirlerde bastapqy turǵyn úı sanyn arttyrý maqsatynda 2018 jyldyń 27 tamyzynda Ulttyq Bank basqarmasy 7-20-25 baǵdarlamasyna ózgerister engizdi. Ózgerister baǵdarlama operatoryna qurylysty qarjylandyrýǵa múmkindik beredi.
Onyń sózine qaraǵanda, «Baspana» kompanııasy «7-20-25» baǵdarlamasy turǵysynda turǵyn úıler boıynsha usynystardy arttyrý úshin jalpy somasy 150 mlrd teńgege oblıgatsııalar satyp alý jolymen ákimdikterge resýrstar bere alady.
«150 mlrd teńge bólinip, Astana, Almaty jáne Shymkentte 20 mlrd teńgege deıin lımıt, al basqa óńirlerge 6,4 mlrd teńge lımıt bekitildi. Bul óz kezeginde «7-20-25» baǵdarlamasy úshin árbir eki jylda shamamen 15 myń páter salýǵa múmkindik beredi», - dep naqtylady Qaırat Altynbekov.
Budan buryn habarlanǵandaı, QR Investıtsııalar jáne damý mınıstri Jeńis Qasymbek «Baspana» ıpotekalyq uıymy nesıelik turǵyn úı qurylysyna 150 mlrd teńge somasynda óz úlesin qosýǵa nıetti ekenin aıtty.
Atalǵan qomaqty qarjy revolverlik negizde turaqty túrde nesıelik baspana qurylysy naryǵynda aınalymda bolady.
