Turǵyn úı baǵasy qashan túsýi múmkin — sarapshy boljamy

Elimizde baspana satyp alý-satý mámileleriniń sany turaqty. Bul týraly Qazaqstannyń Rıeltorlary birlesken qaýymdastyǵy prezıdentiniń keńesshisi Nına Lýkıanenko aıtty, dep habarlaıdy Kazinform.

Baspana satý-satyp alý mámileleriniń sany aı saıyn turaqty. 32-33 myń mámile deńgeıinde qalyp otyr. Qaıtalama naryqtaǵy qaıta baǵalanǵan jyljymaıtyn múlik ıeleriniń baǵany túsirýi jáne kez kelgen nysandy satý baǵaǵa baılanysty ekendigi jaıly faktini qabyldaýy qıyndaý.

«Jarty jyl boldy, sata almadyq» deıtinder baspana qunyn tym joǵary qoıyp otyrǵandardyń sanatyna jatady», — dedi Nına Lýkıanenko agenttik tilshisine bergen suhbatynda.

Onyń atap ótýinshe, búginde naryqta satyp alýshylar basty oıynshyǵa aınalyp otyr.

«Endigi ýaqytta naryqtaǵy jetekshi oıynshy satyp alýshy ekendigine esh nárse isteı almaısyń jáne de olar óz baǵalary men sharttaryn usynady. Eger satýshy onymen kelispese, onda satyp alýshy basqa usynys kútedi. Al satýshyǵa naryqtaǵy jalpy úrdisten habary joq ańqaý satyp alýshyny izdeýine týra keledi. Aldaǵy ýaqytta maýsymdyq quldyraý kútiledi. Ol kezde usynys ta, suranys ta tómendeıdi. Qurylysshylar tarapynan satylymdy yntalandyrý maqsatyndaǵy satyp alýshylarǵa jańajyldyq kóptegen ońtaıly sharttary bar usynystardy kútemiz. Satyp alýshylarǵa osy aktsııalardy paıdalanýǵa keńes berer edim», — dedi ol.