Baspana kezeginiń biryńǵaı respýblıkalyq bazasy qalaı jumys isteıdi
NUR-SULTAN. QazAqparat - QR Indýstrııa jáne ınfraqurylymdyq damý mınıstrligi baspana kezeginiń biryńǵaı respýblıkalyq bazasy týraly túsindirdi, dep habarlaıdy QazAqparat tilshisi.
«Baspana alý men júıeli biryńǵaı esep úshin kezekke turýshylardyń biryńǵaı respýblıkalyq bazasy jasaqtalýda. Onyń aıasynda kezekke turýshylardyń mártebesi men tabysy anyqtalyp, ınventarızatsııa júredi. Sondaı-aq, olardyń menshiginde jeke baspananyń bolýy, jaldamaly baspanaǵa muqtajdyǵy tekseriledi», - dedi QR IIDM Qurylys jáne turǵyn úı kommýnaldyq sharýashylyq isteri komıtetiniń tóraǵasy Marhabat Jaıymbetov mınıstrlik alqasynyń otyrysynda.
Onyń aıtýynsha, 2018 jyly bul bazadaǵy ınventarızatsııa arqyly 30 myń adam esepten shyǵarylǵan.
«Qazir ákimdiktermen birlesip, bazany memlekettik organdardyń aqparattyq júıesimen sáıkestendirý jumystary jalǵastyryp jatyrmyz», - dedi M. Jaıymbetov.
Buǵan deıin komıtet basshysy ákimdikterde áleýmettik baspana alý kezeginiń 3,5 esege artqanyn habarlaǵan edi.
