Baspana kezeginde turǵandardyń máselesin birden sheshý úshin qansha qarjy qajet
Vıtse-mınıstr Qaıyrbek Óskenbaevtyń aıtýynsha, búginde respýblıka boıynsha 487 myń adam páter kezeginde tur. Al olardyń barlyǵyn baspanamen qamtamasyz etý úshin biraz qarajat qajet.
«487 myń adamnyń máselesi birjola shesheıik desek, ol úshin eń quryǵanda bir turǵyn úıdi 110 mıllıon teńgeden sanasaq, dál qazir 4 trıllıon 887 mıllıard teńge kerek bolyp tur. Onyń ústine ınfraqurylymyn 20 paıyzdan salaıyq. Sonda kezekti turǵan azamattardyń baspana máselesin birden sheshý úshin respýblıkalyq nemese jergilikti bıýdjetten 6 trıllıon teńgedeı aqshany qazir qolma-qol jumsaý qajet. Másele osynda. Bizge dál qazir 6 trıllıon teńgeni berse, qazir-aq baspana máselesin sheshýge daıynbyz», - dedi Q.Óskenbaev memlekettik qyzmettiń jańa formatyn qalyptastyrýǵa arnalǵan paneldik sessııada.
Aıta keteıik, Astanada «Nur Otan» partııasynyń kezekti sezi qarsańynda san alýan taqyryptarǵa arnalǵan paneldik sessııalar ótip jatyr.
Máselen, QR Prezıdenti janyndaǵy Memlekettik basqarý akademııasynda memlekettik apparattyń jańa formatyn qalyptastyrý jáne memlekettik qyzmetterdi avtomatızatsııalaý máseleleri talqylandy. Bul - partııanyń 2030 jylǵa deıingi jańa baǵdarlamasynyń bir baǵyty. Atalǵan qujat erteń, 27 aqpanda Memleket basshysynyń tóraǵalyǵymen ótetin «Nur Otan» pantııasynyń XVIII sezinde tanystyrylady.
