Baspana ıesi kelisim bermese sheteldikterge ýaqytsha turýǵa ruqsat berilmeıdi

ASTANA. QazAqparat – Qazaqstanǵa keletin sheteldikterge jyljymaıtyn múlik ıesiniń kelisimi bolmaı ýaqytsha turýǵa ruqsat berilmeıdi. Mundaı usynys ashyq talqyǵa shyǵarylǵan QR Іshki ister mınıstrliginiń buıryq-jobasynda jazylǵan, dep habarlaıdy QazAqparat tilshisi.

«Eger kóship kelýshiniń Qazaqstanda óz menshiginde jyljymaıtyn múlki bolmasa, onda ol jyljymaıtyn múlik ıesiniń notarıaldy kýálandyrylǵan kelisimin alýy mindetti bolyp tabylady», - delingen tıisti ózgeris engizilgeli otyrǵan buıyryqta.

Quzyrly organnyń málimetinshe, mundaı bastama deldaldyq qyzmet kórsetetin tulǵalar tarapynan jasalatyn alaıaqtyqtyń aldyn alý úshin usynylyp otyr.

Buǵan qosa, mınıstrlik sáıkes buıryqqa adam saýdasynyń qurbandary men pana izdegen adamdarǵa 6 aıǵa Qazaqstanda ýaqytsha turýǵa ruqsat berý týraly ózgeris engizbek.