Baspana baǵasy kúrt túsetindeı sebep kórip turǵan joqpyn – sarapshy

NUR-SULTAN. QazAqparat –Birikken rıeltorlar qaýymdastyǵy prezıdentiniń keńesshisi Nına Lýkıanenko baspana naryǵynda baǵa qashan turaqtanatyny týraly paıymyn aıtty, dep habarlaıdy QazAqparat tilshisi.

«Naýryz aıynyń ózinde ǵana ınflıatsııa 3,7 % boldy. Sondyqtan bul jaǵdaı sharshy metr baǵasynan kórinis tapqanyn senimmen aıtýǵa bolady», - dedi Nına Lýkıanenko QazAqparat tilshisine bergen shaǵyn suhbatynda.

Sarapshy jaqyn arada páter baǵasynyń túsý yqtımaldyǵy týraly paıymyn aıtty.

«Erteń ne kútetinimiz jaqyn keleshekte memleket jyljymaıtyn múlik salasyna qandaı qoldaý kórsetetinine baılanysty. Álem ekonomıkasynda bolyp jatqan jaıttar Qazaqstanǵa qalaı áser etetini de mańyzdy. Jýyq aılarda kútpegen tosyn jaıttar bolmasa, baǵa turaqtanýy kerek. Degenmen baǵa kúrt túsetindeı alǵysharttar joq, bolmaıtyn da shyǵar», - dedi Nına Lýkıanenko.

Eske salsaq, 1 sáýirden bastap 2022 jylǵa eseptelgen zeınetaqy jınaqtarynyń eń tómengi jetkiliktilik shegi kúshine endi.