Baspana baǵasy men halyq tabysy arasyndaǵy alshaqtyqty azaıtý kózdelip otyr — Otbasy bank
ASTANA. KAZINFORM — Qazaqstanda turǵyn úı baǵasy men halyq tabysynyń ósý qarqynyn sáıkestendirý úshin ıpotekany uzaq merzimdi qarjylandyrýdyń jańa tetikteri qarastyrylyp jatyr. Bul týraly «Otbasy bank» AQ basqarma tóraıymy Lázzat Ibragımova Astanada ótken sarapshylyq talqylaýda aıtty.
Onyń sózinshe, búginde bank klıentterin alańdatatyn basty máselelerdiń biri — baspana qunynyń qymbattaýy men otbasy tabysynyń arasyndaǵy alshaqtyq.
— Klıentterimiz eń jıi qoıatyn suraq — qazaqstandyq otbasylardyń tabysy men turǵyn úı baǵasynyń ósý qarqyny qanshalyqty sáıkes keletini. Bizdiń mindetimiz — osy ekeýiniń arasyndaǵy tepe-teńdikti saqtaý. Sondyqtan qurylys kompanııalarynyń qaýymdastyǵymen jáne Qazaqstan qurylysshylar odaǵymen kezdesip, 2027–2028 jyldarǵa arnalǵan uzaq merzimdi qarjylandyrý tetikterin talqylaýdy josparlap otyrmyz, — dedi Lázzat Ibragımova.
Bank basshysy jańa tetikterdi ázirleý kezinde turǵyndardyń baspanaǵa qarjy jınaý múmkindigi men bolashaqtaǵy páter qunyn aldyn ala eskerý mańyzdy ekenin atap ótti.
Aıta keteıik, buǵan deıin Qazaqstanda eski úılerdi jańartý baǵdarlamasy aıasynda turǵyndardyń múddesin qorǵaýǵa arnalǵan jańa kepildik tetigi iske qosylatyny habarlandy.
