Baspaldaqtan qulaǵan oqýshy: mektep dırektory jumystan shyǵaryldy

Astana qalalyq bilim basqarmasy baspaldaqtan qulaǵan oqýshynyń jaǵdaıyna qatysty túsinik berdi, dep habarlaıdy QazAqparat tilshisi.

Astana qalasy Qoǵamdyq densaýlyq saqtaý basqarmasynyń habarlaýynsha, 18 qyrkúıek kúni «103» pýltine Máskeý kóshesi, 23, №14 OM mekenjaıy boıynsha shuǵyl shaqyrtýdyń 3 sanaty (jedel járdemniń kelý ýaqyty-29 mınýt) shaqyryldy.

Naýqas № 2 kópsalaly qalalyq balalar aýrýhanasyna jatqyzyldy. Qabyldaý kezinde ony barlyq mamandar tekserdi, qazir ol neırohırýrgııanyń beıindi bólimshesinde em alýda. Oqýshynyń densaýlyq jaǵdaıy ortasha aýyr. Emdeý mı jaraqatynyń hattamasy boıynsha qabyldanady, qazirgi ýaqytta ol hırýrgııalyq emdeýdi qajet etpeıdi.

Vedomstvo ókilderi balanyń komada jatpaǵanyn, esi durys, turaqty ekenin túsindirdi. Sonymen qatar, Saryarqa aýdandyq polıtsııa basqarmasy 2023 jylǵy 19 qyrkúıekte osy fakt boıynsha QR Qylmystyq kodeksiniń 141-baby boıynsha «balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tıisinshe oryndamaý» boıynsha sotqa deıingi tergeýdi bastady.

№14 mektep-gımnazııasynyń dırektory bolǵan jaıttan keıin qyzmetinen bosatyldy.

Buǵan deıin Astanada oqýshy mektep baspaldaǵynan qulap, aýrýhanaǵa túskeni týraly habarlaǵan edik.