Baspaldaqtan qulaǵan bala: Mınıstr mektepterge tekserý júrgizýdi tapsyrdy

Búkil mekteptegi qaýipsizdik sharalaryn baqylaýdy kúsheıtý kerek. Muny apparat jınalysynda Oqý-aǵartý mınıstri Ǵanı Beısembaev aıtty, dep habarlaıdy QazAqparat tilshisi.

«Kúni keshe Astana qalasynda №14 mektepte oqýshymen bolǵan oqıǵa bárimizdi alańdatty. Budan jekelegen aımaqtardaǵy bilim basqarmalarynyń bul máseleni jiti baqylaýda ustamaı otyrǵanyn baıqaýǵa bolady. Sizderge únemi aıtylatyn dúnıe: «Mektepte balalarǵa sapaly bilim, sanaly tárbıe berýmen qatar, oqýshylardyń qaýipsizdigin basty orynǵa qoıý mańyzdy. Sondyqtan búkil mekteptegi qaýipsizdikti baqylaýdy kúsheıtý kerek», - dedi Ǵanı Beısembaev.

Sonymen birge mınıstr óńirlerdegi bilim basqarmalarynyń jaýapty qyzmetkerlerine mektepke baryp, qaýipsizdik sharalaryn oryndaý barysyn tekserýdi tapsyrdy.

Eske salaıyq, 18 qyrkúıek kúni Astanada oqýshy mektep baspaldaǵynan qulap, aýrýhanaǵa tústi.