Basketbolshy Rodman Kım Chen Ynnyń qyzy týraly áńgimeledi
ASTANA. 9 qyrkúıek. QazAqparat - Amerıkandyq basketbolshy Dennıs Rodman Soltústik Koreıa kósemi Kım Chen Ynnyń Chjý E esimdi kishkentaı qyzynyń bar ekenin áńgimelep, onyń jeke ómiri qupııasy shymyldyǵyn ashty, dep habarlady Bı-Bı-Sı.
Brıtandyq Guardian gazetine bergen suhbatynda Rodman Kım Chen Yndy «óte jaqsy áke» dep atap, onyń «tamasha otbasynyń» bar ekenin basa aıtty.
Jaqyn kúnderde Rodman óziniń osy jylǵy QHDR-daǵy ekinshi saparynan oraldy. Onyń sózine qaraǵanda, basketboldyń úlken jankúıeri «Kım dosymen» kezdesý onyń «basketbol boıynsha dıplomatııalyq sapar shegýiniń» bir bóligi boldy.
Buryn Ońtústik Koreıa BAQ-tary Soltústik Koreıa kóseminiń eki qyzy bar ekenin habarlaǵan bolatyn.
