Basketboldan VTB Birikken lıgasy: «Astana» alǵashqy oıyndy 23 qyrkúıekte ótkizedi
NUR-SULTAN. QazAqparat - Elordalyq «Astana» aldaǵy maýsymdaǵy basketboldan VTB Birikken lıgasyndaǵy alǵashqy oıynyn óz alańynda ótkizedi, dep habarlaıdy QazAqparat tilshisi.
Qazaqstandyq klýb 23 qyrkúıekte elordada Reseıdiń TsSKA (Máskeý) komandasyn qabyldaıdy. Turaqty chempıonat 2021 jyldyń 25 sáýirinde máresine jetedi.
Jarys erejesine sáıkes oǵan qatysatyn 13 klýb eki aınalym boıynsha baq synaıdy. Árbir komanda óz alańynda jáne qonaqta oıyndar ótkizedi. Turaqty chempıonat qorytyndysymen úzdik segiz komanda pleı-off kezeńine joldama alady. Sol arqyly týrnırdiń jeńimpazy anyqtalady.
VTB Birikken lıgasynyń ótken maýsymy naýryz aıynda koronavırýs pandemııasyna baılanysty ýaqytynan buryna aıaqtaldy. Sol sátte «Astana»18 oıynnan keıin týrnır kestesinde onynshy orynda turǵan bolatyn.
VTB Birikken lıgasy 2008 jyldan beri turaqty túrde ótkizilip keledi. «Astana» oǵan 2011 jyldan beri qatysyp júr. Atalǵan týrnırde reseılik jáne «Astana» komandalarynan ózge Belarýstiń «Tsmokı-Mınsk», Estonııanyń «Kalev», Polshanyń «Zelena-Gýra» klýbtary baq synaıdy.
Esterińizge sala ketelik, hokkeıden Qazaqstan chempıonatynyń bastalý merzimi keıinge shegerildi.
