Basketboldan «Úmit kýbogi» QR Chempıonatynyń ekinshi maýsymy bastaldy

ALMATY. 23 qazan. QazAqparat - Qostanaı oblysyndaǵy «Sosnovyı bor» shıpajaıynda basketboldan balalar úıleri men mektep-ınternat tárbıelenýshileri arasyndaǵy «Úmit kýbogi» Qazaqstan chempıonatynyń 2012-2013 jylǵy maýsymynyń 1-shi týry ótip jatyr. 21 qazanda bastalǵan bul baıraqty báseke 30 qazan kúni aıaqtalady. Ony QR Bilim jáne ǵylym mınıstrligi, QR Ulttyq basketbol federatsııasy, QR Sport jáne dene shynyqtyrý isteri agenttiginiń qoldaýymen Qazaqstan halyq banki uıymdastyryp otyr.

QR Chempıonaty mártebesin ótken jylǵy maýsymda ıelengen bul dúbirli dodaǵa respýblıkanyń túkpir-túkpirinen bank qamqorlyǵyndaǵy 17 balalar úıi men mektep-ınternattyń 200-den astam jas sportshylary qatysýda. Olardyń arasyna bıyl Aqtaý qalasynyń jańa quramasy qosylyp otyr. Jalpy «Halyqtyq lıga» dep atalatyn 2005 jyldan beri júzege asyrylyp kele jatqan uzaq merzimdi bul jobaǵa otandyq jetekshi qarjy ınstıtýty 7 jyldyń ishinde 169,7 mln. teńgeden astam qarjy jumsady. Onyń 40,6 mln. teńgesi aǵymdaǵy jyldyń enshisine tıip otyr.