Basketboldan Qazaqstannyń qyzdar quramasy Azııa kýbogynyń jartylaı fınalyna shyqty
AMMAN. QazAqparat – Qazaqstannyń basketboldan áıelder komandasy Iordanııa astanasynda ótip jatqan «B» dıvızıonynyń komandalary arasynda 2021 jylǵy Azııa kýbogynyń shırek fınalynda Sırııadan kelgen komandany jeńdi, dep habarlaıdy QazAqparat tilshisi.
7-13 qarasha aralyǵynda Ammanda «Prince Hamza Arena» stadıonynda áıelder komandalary arasynda basketboldan Azııa kýbogynyń birinshi dıvızıonyna joldama beretin oıyn ótip jatyr, oǵan Qazaqstannyń ulttyq quramasy qatysady.
Jerebe boıynsha, Qazaqstan quramasy «B» tobyna túsip, onda bizdiń komanda Indonezııa men týrnır ıesi – Iordanııa quramasynan utyldy.
«A» tobynda Lıvan, Iran jáne Sırııa komandalary arasynda tartys bastaldy.
Sırııa quramasyn jeńgennen keıin Qazaqstan quramasy Azııa kýbogynyń «B» dıvızıonynyń jartylaı fınalyna shyqty.
Endi birinshi dıvızıonǵa joldama úshin tartysty jalǵastyrady.
12 qarashada jartylaı fınal oıyndary ótedi, bizdiń basketbolshylar Iordanııa quramasymen qaıta oınaıdy, match elorda ýaqytymen 23:00-de bastalady.
Áıelder arasyndaǵy basketboldan Azııa kýbogy – 1965 jyldan bastap eki jylda bir ret FIBA Azııa qoldaýymen ótkiziletin Azııadaǵy áıelder ulttyq quramalary arasyndaǵy basketboldan eń bedeldi halyqaralyq týrnır.
