Basketboldan Qazaqstan quramasy FIBA reıtınginde kósh bastady
NUR-SULTAN. QazAqparat - Halyqaralyq basketbol federatsııasy (FIBA) basketboldan álem chempıonatynyń Azııa aımaǵy irikteý týrnıriniń jańartylǵan qýattylyq reıtıngin jarııalady, dep habarlaıdy QazAqparat.
Jańa reıtıngige sáıkes, basketboldan Qazaqstan erler quramasy birinshi orynǵa jaıǵasty. Al Iordanııa men Avstralııa aldyńǵy úshtikti túıindedi.
Aıta keteıik, Qazaqstan erler quramasy Azııa aımaǵyndaǵy irikteý týrnıriniń alǵashqy eki kezeńinde 4 kezdesýdiń barlyǵynda jeńiske jetip, 8 upaımen D tobynda kósh bastady.
Qýattylyq reıtıngisi komandanyń irikteý týrnırindegi nátıjelerine sáıkes túziledi.
Qazaqstan erler quramasy irikteý týrnıriniń úshinshi kezeńinde Iran jáne Bahreın quramalarymen kúsh synasady.
