Basketboldan Eýropa-2015 chempıonaty ótetin el qyrkúıekte belgili bolady
ASTANA. QazAqparat - 2015 jyldyń 5-20 qyrkúıek kúnderi ótetin basketboldan Eýropa chempıonatyn uıymdastyratyn el osy jyldyń 8 qyrkúıeginde belgili bolady, dep habarlady sheteldik BAQ.
2015 jylǵy Eýropa chempıonaty Ýkraınada ótýi tıis edi. Alaıda Ýkraına eldegi oryn alyp otyrǵan saıası daǵdarysqa baılanysty týrnırdi ótkizýden bas tartty.
Qazirgi ýaqytta chempıonatty ótkizýge segiz el, atap aıtqanda, Frantsııa, Horvatııa, Fınlıandııa, Germanııa, Izraıl, Latvııa, Túrkııa jáne Polsha úmitker bolyp otyr.
2015 jylǵy Eýropa chempıonatynda 24 komanda qatysady. Týrnırdiń aqtyq kezeńiniń joldamasyna qazirdiń ózinde osy jylǵy álem chempıonatyna óner kórsetken Ispanııa, Frantsııa, Lıtva, Horvatııa, Slovenııa, Ýkraına, Serbııa, Grekııa, Túrkııa men Fınlıandııa, sonymen birge alǵashqy irikteý kezeńinde jeńiske jetken Estonııa komandasy ıelik etip úlgerdi.
