Basketboldan el chempıonatynda BQO quramasy tuńǵysh ret júldeger atandy
ORAL. QazAqparat - Atyraý qalasynda basketboldan 2003-2004 jáne 2005-2006 jylǵy jasóspirimder arasynda ótken Qazaqstan chempıonatynan BQO quramasy tabysty oraldy, dep habarlaıdy «QazAqparat» HAA tilshisi.
BQO dene shynyqtyrý jáne sport basqarmasynan túsken málimetke qaraǵanda, atalmysh jarysqa barlyǵy 17 komanda qatysty. Sonyń ishinde 8-i 2003-2004 jylǵylar, 9-y 2005-2006 jylǵylar arasynda synǵa tústi.
BQO uldar quramasy 2005-2006 jylǵy jasóspirimder arasynda oblys tarıhynda tuńǵysh ret QR birinshiliginiń qola júldegeri atandy. Munda almatylyqtar birinshi, atyraýlyqtar ekinshi oryndy ıelendi. Oǵan qosa BQO quramasynan Mansur Seıilhanov pen Erkebulan Bımuhambetov «Úzdik oıynshy» ataǵyn enshiledi.
Sportshylardyń barlyǵy da - oblystyq balalar men jasóspirimder sport mektebiniń tárbıelenýshileri. Jattyqtyrýshysy - Dosym Qýanaev.
«Shákirtterimiz qysqy chempıonatta osyndaı tabysqa qol jetkizip otyr. Endi olar jazǵy birinshilikke de tyńǵylyqty daıyndalatyn bolady», dedi «QazAqparat» tilshisine oblystyq balalar men jasóspirimder sport mektebiniń dırektory Turarbek Altynbekuly.
