Basketboldan BQO qyzdar quramasy el birinshiliginde qola júldeger atandy
ORAL. QazAqparat - BQO quramasy Balqash qalasynda 2005-2006 jylǵy qyzdar arasynda ótken QR jazǵy chempıoonatynan qola júldemen oraldy, dep habarlaıdy «QazAqparat» tilshisi.
BQO dene shynyqtyrý jáne sport basqarmasynan túsken málimetke qaraǵanda, atalmysh dodaǵa barlyǵy jeti komanda qatysyp, baq synady. Eldos Berǵalıev jattyqtyratyn BQO qyzdar quramasy komandalyq jaqsy oıyn órnegin kórsete bildi. Olardyń barlyǵy da - oblystyq balalar men jasóspirimder sport mektebiniń tárbıelenýshileri.
«Aldaǵy ýaqytta budan da joǵary nátıjege qol jetkizý úshin úzbeı jattyǵatyn bolamyz», dedi Eldos Berǵalıev.
