Basketboldan áıelder komandalary arasyndaǵy Qazaqstan chempıonatynda pavlodarlyqtar kósh bastap keledi
ALMATY. Qarashanyń 27-si. QazAqparat /Erlik Erjanuly/ - Búgin Almatyda basketboldan áıelder komandalary arasyndaǵy Qazaqstan chempıonatynyń 2-shi týr oıyndarynyń aqtyq kezdesýleri ótedi,
dep habarlaıdy QazAqparat.
Qarashanyń 23-inde bastalǵan ekinshi týr oıyndarynda ázirge Pavlodar men Astana qalalarynyń komandalary jeńilissiz kele jatyr. Pavlodardyń «ErtisPNHZ» basketbolshylary «tarazdyqtardy» 99:32, «oqjetpestikterdi» - 74:56, «almatylyqtardy» - 85:51 esebimen tize búktirip, týrnır kestesindegi kóshbasshylyqtaryn saqtap qaldy. Astananyń «KATÝ jolbarystary» «Tarazdy» - 84:31, «Almatyny» - 65:35, al kókshetaýdyń «Oqjetpesin» - 65:59 esebimen utyp, 7 oıynnan keıin 13 upaımen pavlodarlyqtardy ókshelep kele jatyr. Olardy 1 upaı ǵana ajyratyp tur. Endi ekinshi týrdyń aqyrǵy oıyndary «Oqjetpes» pen «Taraz», «KATÝ jolbarystary» men «ErtisPNHZ» arasynda ótedi. Ózgelerden 1 oıyny artyq alań ıeleri qazir 9 upaımen tarazdyqtardy ǵana artqa qaldyryp, týrnır kestesinde 4-shi orynda kele jatyr. Olar 2 týrdyń jalpy qorytyndysy boıynsha óz alańynda 77:46 esebimen tek tarazdyqtardan ǵana basym tústi.
