Basketboldan áıelder komandalary arasynda almatylyqtar men astanalyq “Jolbarystardyń” kezdesýleri ótedi
ALMATY. 1 qarasha. QazAqparat - Búgin Almatydaǵy "Dostyq" sport kesheninde basketboldan Ulttyq lıgadaǵy áıelder komandary arasynda HHІ Qazaqstan chempıonaty aıasynda jergilikti "Almaty" men Astana "Jolbarystarynyń" saıysy ótedi.
Qazir olardyń ekeýiniń de esebinde eki jeńis, eki jeńilis bar. Sondyqtan olardyń qaı-qaısysy bolmasyn jeńis úshin bar kúshin sarqa jumsaýǵa tyrysady. Týrnır kestesinde búgingi tańda úsh oıynda jeńiske jetip, bir oıynda jeńilis tapqan Pavlodardyń "Ertisi" kósh bastaýda. Al almatylyqtar ekinshi, astanalyqtar úshinshi satyda, Kókshetaýdyń "Oqjetpesi" bir jeńis, úsh jeńilispen sońǵy tórtinshi orynda tur. Al erteń "Almaty" men "Jolbarystardyń" ekinshi qarymta kezdesýi ótedi. Aǵa bapker Oksana Antıpova almatylyqtardyń óz alańyndaǵy bul saıystarynda Stanıslava Fedotova, ıÝlııa Ýdartseva, Ekaterına Pıvnenko, Angelına Mıhaılova, Alena Lýkıanova, Anna Kýcherıavyh, Zoıa Dımedenko men Alla Kýlagaǵa úmit artpaq.
