Basketboldan álem chempıonatynyń qatysýshylary Astanada aǵash otyrǵyzdy
ASTANA. KAZINFORM - Mentaldy damýy shektelgen jandarǵa arnalǵan basketboldan Virtus World Championship Astana 2025 álem chempıonatyna qatysýshy sportshylar men jattyqtyrýshylar «Taza Qazaqstan» ekologııalyq aktsııasyna qatysyp, elordada aǵash otyrǵyzdy, dep jazdy qala ákimdiginiń resmı saıty.
Eske salsaq, 10-22 maýsym aralyǵynda Astanada Qazaqstan tarıhynda birinshi ret mentaldy damýy shektelgen sportshylar arasynda basketboldan Virtus World Championship Astana 2025 álem chempıonaty ótip jatyr.
Bul jarysqa 11 elden 170 adam jınaldy. Aýstralııa, Polsha, Italııa, Frantsııa, Venesýela, Portýgalııa, AQSh, Ispanııa, Izraıl, Japonııa jáne Qazaqstan ulttyq quramasynyń sportshylary men jattyqtyrýshylary «Taza Qazaqstan» respýblıkalyq ekologııalyq aktsııasyna qosylyp, elordadaǵy Trıatlon parkinde aǵash otyrǵyzdy.
- Aǵash otyrǵyzý aktsııasy álem chempıonatynyń qatysýshylary úshin estelik ári mańyzdy is boldy. Bul is-shara mentaldy damýy shektelgen jandarǵa arnalǵan sporttyń damýyna jáne osyndaı sharalardyń mańyzdylyǵyna nazar aýdarýǵa múmkindik berdi. Aktsııaǵa qatysýshylar jyly lebizin bildirdi. Aktsııany uıymdastyrýshy retinde Mentaldy damýy shektelgen sportshylarǵa arnalǵan respýblıkalyq federatsııa jáne Qazaqstan basketbol federatsııasy, Sport jáne týrızm mınıstrligi, Astana qalasynyń ákimdigi qoldaý kórsetti, – dep habarlady «Mentaldy damýy shektelgen sportshylar federatsııasy» damý departamentiniń dırektory jáne elordadaǵy IDsport federatsııasynyń basshysy Dınagúl Myrzahmetova.
Aıta keteıik, Batys Qazaqstan oblysynda egilgen aǵashtardyń jersiný deńgeıiniń tómendigi jóninde Kazinform agenttigi másele kótergen edi.