Basketbol torlarynyń saqınasy, oryndyqtardyń beti joq - Jańa adamdar Atyraýda

ATYRAÝ. QazAqparat – «Jańa adamdar» jastar qozǵalysynyń belsendileri Atyraý qalasynda sport alańdary bolýy tıis jerlerdi aralap shyǵyp, turǵyndar tarapynan aıtylyp jatqan synnyń rastyǵyna kóz jetkizdi, dep habarlaıdy QazAqparat uıymnyń baspasóz qyzmetine silteme jasap.

Aıaqtalmaǵan sport alańdary – Atyraý qalasynda 5 jylǵa jýyq ýaqyttan beri sheshilmeı kele jatqan máseleniń biri. 2018 jyldan bastap «Fırma Lan» JShS men ákimdik qala mektepterinde 25 balalar sport alańyn salý jaýapkershiligin moıyndaryna alǵan, biraq turǵyndar eshteńe jasalmaǵanyn aıtady.

Osy oraıda, qozǵalys belsendileri qaǵaz júzinde sport alańy bolýy tıis 15 mektepti aralap kórgen. Aıtýlarynsha, kógaldyń ornynda jalańash tastar jatyr, al kógaly bar jer shuryq-tesik. Eshqaıda aparmaıtyn trotýarlar tóselip, fýtbol qaqpasynyń ornynda kirpishter tur. Basketbol torlarynyń saqınasy, al oryndyqtardyń beti joq. Qorshaýlar tesilip qalǵan. Qaı-qaısysy da aıaqtalmaǵan, tıisinshe jabdyqtalmaǵan kúıde.

Atyraý qalasynyń oqýshylary «Bul – qorqynyshty. Siz tek fýtbol alańyna qarap tursyz. Bul ne? Bul eshqandaı alań emes!» - degen.

Qozǵalys belsendisi Álıhan Sársenov Atyraý qalasy ákiminiń orynbasary Nurjan Ermuhanovpen kezdesip, máseleniń mán-jaıyn surapty.

«Ol bizdi aıaqtalmaǵan oryndar kelesi jyly aıaqtalatyn jańa baǵdarlamaǵa enetinine sendirdi. Bul degenimiz, olar 2024 jyldyń sońyna deıin aıaqtalady jáne ata-analary bar balalar sport pen demalys úshin laıyqty jaǵdaılarǵa ıe bolady degen sóz. Senýge tyrysaıyq, biraq mindetti túrde tekseremiz. Biz tergeýshi de, sýdıa da emespiz. Kinálilerdi izdeýge kirispeımiz, biraq merdigerler men ákimdikke jalaqylaryn ne úshin alatynyn eske salý mańyzdy dep sanaımyz. Sondyqtan, mindetti túrde Atyraýǵa oralamyz», - deıdi Álıhan Sársenov.