Basketbol: Qazaqstannyń qyzdar quramasy Azııa Kýbogynda qytaılarǵa jol berdi

ASTANA. QazAqparat - Qytaıdyń Shenchjen qalasynda 3h3 basketboldan ótip jatqan Azııa Kýbogynda Qazaqstan qyzdar quramasy pleı-off kezeńinde qytaılyqtardan utylyp qaldy, dep habarlaıdy QazAqparat tilshisi.

Qytaılyq sport saıtynyń habarlaýyna qaraǵanda Qazaqstannyń qyzdar quramasy óz tobynda toptyq kezeńdegi eki oıynda da, jeńiske jetip, birinshi orynmen pleı-off kezeńine shyqqan bolatyn. Ókinishke qaraı shırek fınalda bizdiń arýlar jarys qojaıyndary - Qytaı quramasymen kúsh synasyp, 16:13 esebimen utylyp qaldy.

Al D tobynda synǵa túsken jigitterimiz alǵashqy eki oıynda da, qarsylastaryna ese jiberip, toptyq kezeńnen óte almady. Olar birinshi oıynda Jańa Zelandııa quramasynan 22:8 esebimen utylsa, Aýstralııa quramasyna 21:9 esebimen jol berdi.




Foto:nbf.kz