Basketbol: Qazaqstandyq qyzdar tuńǵysh ret álem chempıonatyna qatysady
ASTANA. QazAqparat - Basketboldan (3h3) Qazaqstan qyzdar quramasy tuńǵysh ret álem chempıonatyna qatysady, dep habarlaıdy QazAqparat tilshisi.
QR Ulttyq olımpıadalyq komıteti baspasóz qyzmetiniń habarlaýynsha, 3-7 qazan aralyǵynda Qytaıdyń Sııan qalasynda 3h3 basketboldan 23 jasqa deıingi jastar arasyndaǵy tuńǵysh álem birinshiligi ótedi.
Atalǵan týrnırde Qazaqstan namysyn qyzdar quramasy qorǵaıdy. Komanda qataryna Aleksandra Kovalevskaıa, Elmıra Ábikeeva, Karına Olenberg jáne Anastasııa Arzamastseva engen.
Bul kúnderi sportshylar Astanada oqý-jattyǵý jıyndaryn ótkizýde. Sııan qalasyna 1 qazan kúni ushyp ketedi.
Qazaqstandyqtar Ýkraına, Nıderlandy, Belarýs jáne Indonezııamen bir topqa tústi.
Foto: www.olympic.kz
