Basketbol: Qazaqstan erler komandasy álemdik reıtıngte joǵarylady
NUR-SULTAN. QazAqparat - Basketboldan Qazaqstan erler komandasy Palestına men Shrı-Lankany utqan soń FIBA reıtınginde bes satyǵa kóterildi, dep habarlaıdy QazAqparat Olympic.kz saıtyna silteme jasap.
Búginde Emıl Raıkovıch komandasynyń qorjynynda 124,3 upaı bar. «Dala arlandary» álemde 74-shi, Azııa qurlyǵynda 12-shi orynda tur. Halyqaralyq basketbol federatsııasy (FIBA) Qazaqstan komandasyn reıtıngte birshama joǵarylaǵanyn erekshe atap ótti. Al úzdik bestik ózgerissiz qaldy. AQSh komandasy birinshi, Avstralııa ekinshi, Argentına úshinshi, Serbııa tórtinshi, Frantsııa besinshi satyda.
Azııa boıynsha úzdikter qataryna Iran, Jańa Zelandııa, Qytaı men Ońtústik Koreıa kirgen.
