Basketbol: «Atyraý barystary» EAEO kýbogyn jeńispen bastady
EREVAN. QazAqparat - Erevanda ótip jatqan basketboldan EAEO kýbogynda «Atyraý barystary» alǵashqy kezdesýinde jeńiske jetti, dep habarlaıdy QazAqparat tilshisi.
Erevandaǵy birinshi EAEO kýbogyna qatysyp jatqan qazaqstandyq «Atyraý barystary» basketbol klýby týrnırdiń alǵashqy matchynda «Ýrartý» BK komandasynan 74:78 esebimen basym tústi.
Matchtyń basynan oıyn tizginin óz qolyna alǵan «barystar» qarsylasyna esh múmkindik bermedi. Nátıjesinde alǵashqy kezeńde «Ýrartý» tek 9 upaı jınaı aldy. Ekinshi kezeńnen bastap alań qojaıyndary esepti qysqarta bastady.
Alaıda oıynnyń basynda jınaǵan upaılarynyń arqasynda atyraýlyqtar jeńiske qol jetkizdi. Esep - 74:78 (9:26, 21:18, 16:12, 28:22).
Aıta keteıik, Armenııa basketbol federatsııasy 23-26 aqpan kúnderi Erevanda klýbtar arasynda EAEO kýbogy úshin halyqaralyq týrnır ótkizip jatyr. Oǵan «Arsenal» BK (Týla, Reseı), «Ýrartý» BK (Erevan, Armenııa), «TsOR-Borısfen» BK (Mogılev, Belarýs) qatysýda. Qazaqstan namysyn «Atyraý barystary» BK qorǵaıdy.
