Basketbol: «Astana jolbarystary» el chempıony atandy
KÓKShETAÝ. QazAqparat - Basketboldan erler arasyndaǵy HHV-shi Qazaqstan chempıonatynyń fınaldyq oıyndary aıaqtalyp, bas júldeni elordalyq «Astana jolbarystary» komandasy jeńip aldy, dep habarlaıdy «QazAqparat» HAA tilshisi.
Naýryzdyń 26-31 aralyǵynda Şýchınsk qalasynda «Jaqsy» sport kesheninde ótken jarysqa Qazaqstan chempıonatynyń joǵary lıgasynda óner kórsetetin elordalyq «Astana jolbarystary», kókshetaýlyq «Oqjetpes», petropavldyq «Barys», atyraýlyq «Atyraý barysy2», pavlodarlyq «Ertis» jáne aqtaýlyq «Kaspıı2» sııaqty alty komanda qatysty.
Fınaldyq kezdesý elordanyń «Astana jolbarystary» men Kókshetaýdyń «Oqjetpesi» komandalary arasynda ótti. Alǵashqy oıynda kóshetaýlyqtar qonaqtardy 84-75 esep aıyrmasymen utsa, qarymta oıyn 71-85 astanalyqtardyń paıdasyna sheshildi. Eki oıynnyń qorytyndysy boıynsha «Astana jolbarystary» el chempıony atandy.
Osylaısha, kókshetaýlyq komanda tuńǵysh ret júldeli ekinshi orynnan kórinip otyr. Jarys qorytyndysyna saı «Oqjetpes» oıynshysy Vladımır Ivanov eń úzdik oıynshy atandy. Al, qola medal qarsylastaryn upaı sanymen artta qaldyrǵan Petropavldyń «Barys» komandasyna buıyrdy.
