Basketbol: «Astana» «Enıseıdi» oısyrata jeńdi
ASTANA. QazAqparat - «Astana» klýby VTB lıgasynyń kezekti oıynynda «Saryarqa» velotreginde «Enıseı» (Krasnoıarsk) komandasyn qabyldap, 92:75 esebimen jeńiske jetti, dep habarlaıdy «QazAqparat» tilshisi.
Grek mamany Kostas Flevarakıs jattyqtyratyn astanalyqtar birden oıyn tizginin qolǵa alyp, ony match sońyna deıin ýysynan shyǵarǵan joq deýge bolady. Alań ıeleri birinshi kezeńde 30:19 esebimen alǵa shyqsa, ekinshisinde 21:16, úshinshisinde 26:14 esebimen utyp, qarqyndy údetti. Tek sońǵy kezeńde ǵana 15:26 esebimen ese jiberdi. Biraq qorytyndy esepte qarsylasyn 17 upaı aıyrmashylyǵymen oısyrata utty.
«Astana» quramyndaǵy 25 upaı alyp, mergendigimen kózge túsken grekııalyq legıoner Leonıdas Kaselakıs, sondaı-aq amerıkalyqtar Djastın Karter (20 upaı), Larrı Gordondy (16 upaı) atap ótýge bolady.
Elordalyqtar kelesi oıynyn óz alańynda 10 jeltoqsanda «Lokomotıv-Kýban» (Krasnodar) komandasymen ótkizedi.
Aıta keteıik, munyń aldynda «Astana» komandasy alty kezdesý ótkizip, sonyń bireýinde ǵana qarsylasyn utqan bolatyn. Pleı-off básekesine joldama alý úshin astanalyqtarǵa aldaǵy matchtardy barynsha jınaqy ótkizýi qajet-aq.
