Basqarýshy «A» korpýsynyń kadr rezervine kandıdattardyń qujattaryn qabyldaý aıaqtaldy
ASTANA. 5 mamyr. QazAqparat - Bıylǵy 3 sáýir men 3 mamyr aralyǵynda, ıaǵnı bir aı ishinde Qazaqstan Respýblıkasy Memlekettik qyzmet isteri agentigi «A» korpýsynyń kadr rezervine alýǵa kandıdattardyń qujattaryn qabyldaýdy júzege asyrdy.
Qujattardy qabyldaý qolma-qol, poshta boıynsha jáne elektrondy poshta boıynsha júzege asyryldy. Qujat tapsyrǵan kandıdattardyń tizimi kúndelikti Agenttiktiń saıtynda jańartyldy. «A» korpýsynyń kadr rezervine 1984 kandıdattan, olardyń arasynda memlekettik qyzmet atqaratyn da memlekettik qyzmet atqarmaıtyn da kandıdattardan qujattar tústi. Qazirgi ýaqytta kandıdattardyń qujattary «A» korpýsynyń laýazymdaryna qoıylatyn arnaıy biliktilik talaptaryna jáne «Memleketttik qyzmet týraly» Zańǵa sáıkestigine qaralyp jatyr. Qujattardy qaraý qorytyndysy boıynsha kandıdattardy testileýge jiberý nemese jiberýden bas tartý týraly sheshim qabyldanady»,-delingen agenttik málimetinde. Testileý 15 mamyrda bastalady jáne tek Astanada ótkiziledi.
