Basqarma múshelerine 30 mln teńgeden syıaqy tólengeni ras pa — «Aqjaiyq» ÁKK túsinik berdi

ORAL. KAZINFORM — BAQ betterinde «Aqjaiyq» ÁKK» basqarmasynyń bes múshesine 2025 jyldyń qorytyndysy boıynsha syıaqy retinde 30 mln teńgeden tólengen degen málimet jarııalandy.

syıaqy
Foto: freepik.com

Osyǵan baılanysty Kazinform tilshisi «Aqjaiyq» ÁKK» AQ-ǵa arnaıy saýal joldaǵan edi. 

Mekemeden túsken málimetke qaraǵanda, is júzinde atalǵan soma tıisti kezeńdegi eseptelgen tólemder men olarǵa baılanysty mindetti salyqtar jáne aýdarymdardyń jıyntyq kólemin quraıdy. Onyń quramyna mynalar kiredi:

  • jalaqy;
  • syılyqaqy tólemderi;
  • eńbek demalysyna tólenetin tólemder;
  • ýaqytsha eńbekke jaramsyzdyq kezeńine tólenetin tólemder;
  • issapar shyǵystary;
  • áleýmettik paket sheńberindegi tólemder;
  • medıtsınalyq saqtandyrý;
  • salyqtar men ózge de mindetti tólemder jáne aýdarymdar.

Al BAQ betterindegi aqparatta tólemderdiń ártúrli túrleri men mindetti tólemder ajyratylmaǵan, sonyń saldarynan olardyń jalpy somasy basqarma múshelerine tólengen tek syıaqy retinde burmalanyp kórsetilgen.

Sonymen qatar atalǵan somalar birjolǵy tólemder nemese basqarma músheleriniń ózderi derbes belgilegen qosymsha syıaqy emes. Olar eńbekaqy tóleýge, eńbek mindetterin oryndaýǵa jáne kózdelgen áleýmettik kepildikterge baılanysty shyǵystardyń jıyntyq kólemin bildiredi.

— «Aqjaiyq» ÁKK» AQ jalaqyny, syılyqaqylardy jáne ózge de kózdelgen tólemderdi esepteý men tóleýdi mekemeniń qoldanystaǵy ishki normatıvtik qujattaryna, eńbek zańnamasynyń talaptaryna jáne basqarý organdarynyń sheshimderine sáıkes júzege asyrady. Іs júzinde bul somalar AQ basshylyǵyna tólengen tek syılyqaqy emes, eseptelgen tólemderdiń, júrgizilgen tólemderdiń jáne olarǵa baılanysty mindetti salyqtar men aýdarymdardyń jıyntyq kólemi bolyp tabylady, — delingen resmı jaýapta.

Eske sala keteıik, budan buryn Oral áýejaıynda tolyq qaıta qurý jumystary júrgizile me, sony jazǵan edik.