Basqa vaktsınalardy kútýdiń qajeti joq – Alekseı Tsoı
«Qazaqstannyń árbir jetinshi azamaty vaktsına aldy – bul úlken jetistik. Basqa vaktsınalardy kútýdiń qajeti joq. Barlyq vaktsınalardyń el aýmaǵynda qoldanýǵa ruqsat etilgenin túsiný óte mańyzdy. Olar qaýipsiz, tıimdi, tekserilgen jáne shamamen 2,9 mıllıon adam osy vaktsınalardy saldyrǵan. Tıimdiligi óte jaqsy, biz vaktsınalaýdyń kómektesetinin kórip otyrmyz», - dedi mınıstr A. Tsoı Ortalyq kommýnıkatsııalar qyzmetinde tilshiler suraǵyna bergen jaýabynda.
Sonymen birge, A. Tsoı elde koronavırýspen qaıta aýyrý jaǵdaılary bar ekenin eskertti.
«Vırýspen aýyrǵandar endi juqtyrmaımyn dep oılaýy múmkin, bul múldem durys emes. Qazaqstanda qaıta aýyrý jaǵdaılary tirkeldi, álem boıynsha da osyndaı statıstıka bar – kóptegen adamdar aýyrýda jáne jaǵdaılary da óte aýyr. Ókinishke oraı, qaıtys bolyp jatqandar da bar. Sondyqtan munda ózin qorǵaý úshin, otbasyn qorǵaý úshin mindetti túrde vaktsına saldyrý qajet», - dep atap ótti mınıstr.
