«Basyp ket» dep aıqaılaǵan»: Almatyda qujatsyz kólik basqarǵan jasóspirimder ustaldy
ALMATY. KAZINFORM - Áleýmettik jelide kólikti qujatsyz basqaryp, jol erejelerin óreskel buzǵan jasóspirimderdiń beınejazbasy tarady.
Jas júrgizýshiler óz is-áreketterin vıdeoǵa túsirgen. Beınejazbada jasóspirimderdiń biri adamdy «basyp ket» dep aıqaılaıdy.
«Basyp ket» degen kóńildi notada Almatyny aralap, 10 synyp oqýshysy Mercedes-Benz kóligin basqarǵan. Ol endi Kia Rio kóligin aıdap júr. Onyń anasy balasynyń ne istep júrgeninen habardar sekildi», - delingen jazbada.
Atalǵan jaǵdaıǵa baılanysty Almaty qalasynyń Polıtsııa departamenti túsinikteme berdi.
«Kólik quralyn basqarýǵa quqyǵy joq adamdardyń kólik júrgizý faktisi boıynsha jergilikti polıtsııa qyzmetkerleri quqyq buzýshylarǵa qatysty shara qoldandy: ÁQBtK-niń 612-baby boıynsha ákimshilik is júrgizý materıaly jınaldy. Sonymen qatar balalardy tárbıeleý jónindegi mindetterdi oryndamaǵany úshin jasóspirimderdiń ata-analary jaýapkershilikke tartyldy. Ata-analardyń balalarynyń bos ýaqytyn baqylaýy jáne olardyń qandaı da bir zańsyz áreketterge jol bermeýi óte mańyzdy», - dep habarlaıdy departamentten.
Eske salaıyq, buǵan deıin Almatyda polıtsııa formasyn kıip, jol erejesin buzǵan adam ustalǵanyn jazǵan edik.
