Basyna oq atyp alǵan Ulttyq ulan sarbazy mert boldy

QR Ulttyq ulan 6636 áskerı bólimindegi sarbaz ólimine túsinik berdi, dep habarlaıdy Kazinform agenttigi. 

«9 qazanda 6636 áskerı bóliminde qatardaǵy jaýynger Qaısar Maratuly Sultanov áskerı qalashyqty kúzetetin kezekshi bólimsheniń quramynda qyzmetke kiristi. Shtab boıynsha kezekshi bólimsheniń komandıri saǵat 01.20 shamasynda jaýyngerlerdiń jumysyn tekserý kezinde qatardaǵy jaýynger Q.M. Sultanovty kúzet beketinen basyndaǵy oq jaraqatymen taýyp alǵan. Oqıǵa ornyna kelgen jedel járdem qyzmetkerleri sarbazdyń qaıtys bolǵanyn málimdedi», - delingen habarlamada.

Oqıǵanyń sebebi anyqtalyp jatyr. Qyzmettik tergeý bastalǵan. 

«6636 áskerı bóliminiń qolbasshylyǵy qatardaǵy jaýynger Q.M. Sultanovtyń týystary men jaqyndaryna kóńil aıtady», - deıdi Ulttyq ulannan.

Vedomstvo Qylmystyq-protsessýaldyq kodekstiń 201-babyna sáıkes ózge aqparat jarııalanbaıtynyn málimdedi.