«Basyma qaıshy kirip ketti» – Almatyda týrfırma qyzmetkerine shabýyl jasaldy
Almatyda týrfırmanyń qyzmetine qanaǵattanbaǵan klıent qyzmetkerdiń basyn qaıshymen jaraqattady, dep habarlaıdy Kazinform.
"Keshe bizge kelgen klıentke vıza berýden bas tartylǵan soń, ol maǵan shabýyl jasaýǵa kóshti. Biz AQSh pen shengenge vıza rásimdemek bolǵanbyz. Eki jaǵdaıda da vıza berýden bas tartylǵan soń, ol barlyq jumsaǵan aqshasyn menen óndirip alýdy sheshti. Osylaısha keńsede janjal shyǵaryp, qolyna tıgen zattardy maǵan laqtyra bastady, arasynda qaıshy da boldy. Qaıshy basyma kirip ketti", – dep jazdy týrfırma qyzmetkeri Instagram-paraqshasynda.
Klıent onyń ústinen alaıaqtyq boıynsha shaǵym da jazǵany aıtylady.
Almaty qalalyq Polıtsııa departamentiniń málimetinshe, atalǵan oqıǵa Almaly aýdanynyń polıtsııa basqarmasynyń polıtsııa bóliminde tirkelip, tekserilip jatyr.
"Áıeldiń alǵan dene jaraqatynyń aýyrlyq dárejesin anyqtaý maqsatynda sot-medıtsınalyq saraptama taǵaıyndaldy. Іs-sharalar kesheniniń nátıjeleri boıynsha sheshim qabyldanady", – dedi Polıtsııa departamentiniń baspasóz qyzmetinen.
Posmotret etý pýblıkatsııý v Instagram
