Basym jáne problemaly óńirlerdiń kartasy ázirlenedi

ASTANA. KAZINFORM — Aýyldyq okrýgter bólinisinde ekonomıkanyń neǵurlym osal salalaryn aıqyndaýǵa múmkindik beretin basym jáne problemaly óńirler kartasy ázirlenip jatyr. 

Bul týraly Májilis depýtattarynyń saýalyna Premer-mınıstr Oljas Bektenovtiń jaýabynda aıtylǵan.

— Memlekettik josparlaý júıesin ózektilendirý aıasynda aýdandardy (oblystyq mańyzy bar qalalardy) damytý josparlary ázirlendi. Aýdandardyń (oblystyq mańyzy bar qalalardyń) damý josparlaryn iske asyrý úshin ınvestıtsııalyq jospar men basym jáne problemaly óńirlerdiń kartasyn ázirleý kózdeledi. Investıtsııalyq jospar jalpy aýdan men árbir aýyldyq okrýgti jeke damytýǵa baǵyttalǵan ınvestıtsııalyq jobalardyń tizbesin qamtıdy, — dedi Úkimet basshysy.

Onyń aıtýynsha, ınfraqurylymdyq jáne áleýmettik-ekonomıkalyq máselelerdi sheshýge baǵyttalǵan jobalarǵa basymdyq beriledi. 

— Investıtsııalyq josparmen qatar aýyldyq okrýgter bólinisinde ekonomıkanyń neǵurlym osal salalaryn aıqyndaýǵa múmkindik beretin basym jáne problemaly óńirlerdiń kartasy ázirlenýde. Karta negizinde aýmaqtardy qarjylandyrýǵa basymdyq berý júıesi qalyptastyrylatyn bolady. Bul tásildi iske asyrý aýdandardyń, eldi mekenderdiń qamtamasyz etilý deńgeıine jáne naqty suranysyna baǵdarlanǵan qarjy resýrstaryn nysanaly bólýdi qamtamasyz etedi, — dedi Oljas Bektenov.

Aıta keteıik, Memleket basshysy Qasym-Jomart Toqaev Úkimettiń keńeıtilgen otyrysynda Bıýdjet kodeksiniń jańa erejeleri óńirlerdiń qarjylyq derbestigine tusaý bolmaýy tıistigin eskertken edi.