Bashqurtstanda jolaýshylar avtobýsy toǵyz metrlik kópirden qulap ketti
ASTANA. QazAqparat - Bashqurtstanda Samara - Ýfa - Chelıabi trassasynda jolaýshylar mingen shaǵyn avtobýs bıiktigi toǵyz metrlik kópirden qulap ketti, abyroı bolǵanda qurbandar joq.
ProUfu.ru saıtynyń habarlaýynsha, Toyota Hiace-tyń 23 jastaǵy júrgizýshisi kólikti basqara almaı qarsy baǵytqa shyǵyp ketip, tosqaýyldy buzyp ótip, bıiktigi toǵyz metrlik kópirden qulaǵan.
Shaǵyn avtobýs qatty qıraǵanymen, jolaýshylar aman qaldy. Salonda júrgizýshimen qosqanda bes adam bolǵan, onyń úsheýi túrli dárejede jaraqat alyp, aýrýhanaǵa jetkizildi.
Foto: bashinform.kz
