Bashqurtstanda jasóspirim oqýshylarǵa pyshaqpen shabýyldady
ASTANA. QazAqparat - Bashqurtstannyń Sterlıtamak qalasynda №1 mektepte tótenshe jaǵdaı boldy. Oqýshy mektep oqýshylaryna pyshaqpen shabýyl jasap, keıin mekteptegi synypty jaǵyp jibergen, dep habarlaıdy «Bashınform».
«Bir bala mektepte pyshaqpen júgirip júrdi. Muǵalim esikti ustap turǵan, keıin kabınetke kirip ketken. Esi aýysqan jigit qyzǵa pyshaqty suǵyp alǵan, qoryqqan qyz ekinshi qabattan sekirip ketken», - deıdi oqıǵa kýágerleri.
Barlyq oqýshylar tútinge oranǵan ǵımarattan evakýatsııalandy. Respýblıkalyq densaýlyq saqtaý mınıstrliginiń sońǵy resmı deregi boıynsha, úsh bala men bir eresek adam zardap shekken. Olardy Sterlıtamak aýrýhanasyna jetkizdi. Dárigerler olardyń jaǵdaıyn ortasha aýyr dep baǵalaýda. Oqıǵa ornynda jedel qyzmet jumys istep jatyr.
Bashqurstan ІІM bilim berý mekemesine shabýyl jasalǵanyn rastady. Qazir oqıǵanyń mán-jaıy anyqtalyp jatyr.
