Bashqurtstanda telefonmen sóılesip bara jatqan adamǵa naızaǵaı tústi
ASTANA. QazAqparat - Bashqurtstannyń Davlekan aýdanynda oqys oqıǵa oryn aldy. Úsh balanyń 26 jastaǵy ákesine jaı tústi.
Jergilikti BST telearnasynyń habarlaýynsha, er adam kún kúrkirep jatqanda Ivanovka aýylynyń mańynan ótip bara jatyp, uıaly telefon arqyly sóılesken. Naızaǵaı mobıldik apparat arqyly túsken. Abyroı bolǵanda er adam aman qaldy. Qazir ol jansaqtaý bóliminde jatyr. Jaǵdaıy aýyr. Denesiniń kóp bóligi kúıip qalǵan.
Jaı jigittiń denesiniń oń jaq bóligimen ótken, shekesine túsip aıaǵymen jerge ketken.
