Bashqurtstanda ótken jyly ksenofobtardan 19 adam zardap shekken
ASTANA. 12 qańtar. QazAqparat - 2012 jyly Reseıde ksenofobtardyń qolynan 40 adam kóz jumyp, 180 adam jaraqat alǵan. Bul málimetti Adam quqyǵyn qorǵaýmen aınalysatyn uıymnyń Máskeýdegi bıýrosynyń dırektory Aleksandr Brod keltirdi.
Onyń aıtýynsha, ultshyldardyń kesirinen 46 adam ajal qushyp, 299 adam jaraqat alǵan. Al 2011 jyly 29 adamdy ana dúnıege attandyryp, 123 adamǵa jábir kórsetken. 2012 jyly ultshyldardyń qurbanyna aınalǵandardyń qatary artqan.
muslim.kz saıtynyń jazýynsha, mundaı zorlyq-zombylyq, ásirese, Máskeý qalasynda órship tur: ultshyldardyń qolynan úsh adam qaza taýyp, 64 adam jaraqat alǵan. Al Máskeý oblysynda eki adam ajal qushyp, 24 adam jaralanǵan. Sankt-Peterborda eki adam kóz jumsa, 19 adam jábir kórip, zardap shekken. Bashqurtstanda osyndaı zorlyq-zombylyqqa 19 adam ushyraǵan kórinedi.
Quqyq qorǵaýshylardyń aıtýynsha, 2012 jyly ózbekter, qyrǵyzdar, tájikter, daǵystandyqtar, osetınder, vetnamdyqtar jáne orystar ultshylardyń qurbanyna aınalǵan.
