Bashqurtstanda mamonttyń azý tisi, omyrtqasy, ózge de janýarlardyń súıekteri tabyldy
ASTANA. QazAqparat - Bashqurtstanda Qarmasqaly aýdanyndaǵy Belaıa ózeniniń jaǵalaýynda Qum ken ornynda jumys istep jatqan jumysshylar erekshe asa iri súıekter taýyp aldy.
«Olar bul jaıynda arheologtarǵa habarlaǵan. Kelip, qazba jumystaryn júrgizgen ǵalymdar 200 metr aýmaqta kóptegen janýarlar súıekterin tapty. Olardyń arasynda mamonttyń azý tisi, omyrtqasy, jambas býynyna keletin súıekter bar», - deıdi ólkelik mýzeı ókili.
Onyń aıtýynsha, tabylǵan súıekter murajaıǵa tapsyrylǵan. Ǵalymdar olardy qalpyna keltirip, sıpattap, súıekterdiń janýardyń qaı túrine tıesili ekenin anyqtaıtyn bolady. «Mamonttyń jasy men jynysyn anyqtaý úshin palentologtardy kútip otyrmyz»,- dep atap ótti ol.
