Bashqurtstanda 14 jastan neke qııýǵa ruqsat berildi
ASTANA. QazAqparat - Bashqurtstan Quryltaıynyń memlekettik jıyn depýtattary belgili bir jaǵdaılarda 14 jastan neke qııýǵa ruqsat beretin zańdy qoldaý sheshimin qabyldady, dep habarlady "Interfaks".
Respýblıkanyń Otbasy kodeksine engizilgen ózgeristerge sáıkes, neke qııý jasy 18-den bastalady. Al júktilik, bala týý sııaqty belgili bir jaǵdaılarǵa baılanysty 14 jastan neke qııýǵa ruqsat beriledi.
«Bul zań jobasy neke jasyn azaıtpady. Ol eń tómengi jasty kórsetedi. Buryn eń tómengi jas bolmaǵan. Zań babyna sáıkes neke qııýǵa tıisti ruqsat berý aldynda tıisti materıaldar tergeý organdaryna tekserý úshin jiberiledi. Qamqorlyq organdarynyń sheshiminen keıin ǵana neke qııýǵa ruqsat beriledi», - dedi Bashqurtstan prokýrorynyń kómekshisi Rýslan Ismagılov.
Ol aımaqta jyl saıyn 16 jasqa tolmaǵandar arasynda 10-20 neke qııý tirkeledi. Ázirge 14 jasqa deıingiler arasynda neke qııý tirkelmedi. Foto: ingimage/vostock-photo
