Bashar Asad jappaı qyryp-joıý qarýyn qoldanýy yqtımal
ASTANA. 18 shilde. QazAqparat - Sırııa Prezıdenti Bashar Asad lajsyz jaǵdaıda kóterilisshilerge qarsy hımııalyq qarý qoldanýǵa áskerı buıryq berýi múmkin,
dep málimdedi Sırııanyń Iraktaǵy burynǵy elshisi BBC News-ke bergen suhbatynda.
Navaf Farestiń sózine qaraǵanda, rastalmaǵan málimetterge sáıkes, mundaı qarý buǵan deıin qoldanylǵan bolýy da múmkin. Sonymen qatar ol Sırııanyń keıbir qalalarynda bolǵan bomba jarylystaryn rejim ókilderi Ál-Kaıda sodyrlarymen birge uıymdastyrǵanyn aıtty.
Fares prezıdent Asadqa qarsy kóterilis bastalǵan kezden bastap qazirgi rejimdi tastap ketken eń joǵary laýazymdy saıasatker bolyp tabylady. Burynǵy dıplomat Baas bılik partııasynda, Sırııa qaýipsizdik organdarynda joǵary laýazymdy qyzmetterdi atqardy, sondaı-aq Sırııanyń ár túrli provıntsııalarynda gýbernator bolǵan, dep jazdy bnews.kz.
