BASF Dırektorlar keńesi 1 aktsııaǵa 2,20 eýro dıvıdend tóleýdi usynýda
ALMATY. 28 aqpan. QazAqparat /Erlik Erjanuly/ - Hımııa ónerkásibi salasyndaǵy álemdik kóshbasshy sanalatyn Germanııadaǵy BASF kontserniniń Dırektorlar keńesi
6 mamyrda ótetin aktsıonerlerdiń jyl saıynǵy jınalysyna 2010 jylǵa 1 aktsııa úshin 2,20 eýro dıvıdend tóleýdi bekitý týraly usynys jasaýǵa sheshim shyǵardy. BASF-tyń baspasózqyzmetitaratqan habarlamaǵa qaraǵanda,bul sheshim 3 naýryzda bolatyn Baqylaýshylar keńesinde maquldanýy kerek.
31 jeltoqsandaǵy jaǵdaı boıynsha, dıvıdend alýǵa quqyq beretin aktsııalardyń jalpy dıvıdendiniń kólemi 2 mıllıard eýrony quraıdy. 2010 jyldyń sońynda 1 aktsııanyń quny 59,70 eýro kóleminde bolǵan edi. Aktsıonerler 3,7 paıyzǵa teń dıvıdendtik túsim alady. Eger Dırektorlar keńesiniń usynysyn jalpy aktsıonerler jınalysy qoldaıtyn bolsa, dıvıdend tóleý 9 mamyrda júzege asyrylmaq. Kontsern jyl saıyn tólenetin dıvıdend kólemin ulǵaıtýǵa nemese ony ótken jylǵy deńgeıde saqtap qalýǵa tyrysady.
